1.  玩米缸，將手插入米缸裡面o既米裡面篤下篤下。
   2.  在百貨公司入面篤扶手電梯旁的吊牌。
   3.  地下有階磚時，特登隔一格一格o黎行（不可踩界，要完全在格內）。
   4.  用錶面反射陽光，照o黎照去。
   5.  跳樓梯（愈多級愈勁）。
   6.  行路上高起左地方（例如高起左o既長條型石博），好似玩平衡木咁行法。
   7.  鋪張紙在硬幣上面，然後用鉛筆係上面油，油返個形出o黎。
   8.  食完瑞士糖之後，將糖紙包番個原本四四方方果個形出o黎。
   9.  超級市場踩住架購物車o黎行。
  10. 踩水"tum"，係好特登果隻。
  11. 吹口水波。
  12. 搣牆上的乳膠漆或牆紙。
  13. 係平滑o既地面上面跣下跣下咁行。
  14. 整濕o的紙巾，掟上學校廁所天花頂。
  15. 食完綠箭香口膠，一定摺返成張包裝紙，再放返入個大套入面。
  16. 響課室玩俄羅斯輪盤，將玩粉刷霑滿粉筆粉，放係風扇上面，等個風扇轉轉下，轉得怏個時飛出o黎，睇下個粉刷中邊個。
  17. 放膠袋（當風爭咁放）。
  18. 去後梯執咸書睇，將睇完的咸書撕開飄落街。
  19. 貼張龜仔紙嚮o的同學個背脊度。 

  20. 踩人地個影。
  21. 狂踩人地對白飯魚，尤其是大肥仔果o的。
  22. 用幾條橡筋射o的同學。
  23. 掉人地門口的拖鞋落街。
  24. "Mung"消防喉，射水落下面個球場，睇下射到幾遠。
  25. 嘗試用「念力」整彎湯匙。
  26. 用氣鎗射街上的途人。
  27. 玩千揪，"fing"到咁上下就飛出去鬥遠。
  28. 落樓梯時坐係o的扶手上面"sir"落黎。
  29. 在自動梯行相反方向。
  30. 把「誤投信件」或沒有用的宣傳單張，胡亂放入其他的住宅信箱。
  31. 坐地鐵時，抓緊中間的扶手，地鐵一開動博命繞住轉（自轉）。
  32. 在月台上鬥快跑。
  33. 匿係被竇入面開住電筒扮露營同埋o係入面食零食。
  34. 用圖釘弄穿學校壁佈板。
  35. 亂按人地既門鐘，然後鬆人。
  36. 地鐵出閘果時「捐」過閘口，拎走張地鐵飛當地圖。

  37. 不小心塗改液（很舊的有一個掃那種）塗在手上，然後用附送的天拿水，搽在手上以圖弄去改液。
  38. 見倒d矮過自己既人行緊過黎，會好自然"gut"高d行。
  39. 煲蠟。
  40. 用條繩吊d野到落去住下面o個戶人既窗前，然後"fing"來"fing"去，引人注意。

  41. 用螢光筆油指甲。
  42. 向學校d木台上面畫公仔。
  43. 用電筒∕雷射筆射落街或者照住d路人。
  44. 搣碎d紙巾，然後拋出窗。
  45. 拎d元寶當船放o係水上玩或者拋落街。

  46. 落雨擔遮，懶係型咁轉把遮。
  47. 係街見到狗就扮貓叫，見到貓就扮狗吠。

  48. 將擦膠碎「初」成一粒黑色物體。
  49. 畫花報紙或書上既畫，為人物加牛角或者胭脂等等。

  50. 屋企冇人果時，對住塊鏡學人跳舞∕做戲∕唱歌。